雲南住宿篇-大理

住宿係雲南真係好平，小編同友人都係學生當然係慳錢行先啦。我地主要揀啲CP值高、評價唔錯又唔貴嘅住宿。最貴一晚都只係人均RMB$70一晚! 全程10晚加埋每人大約RMB$500，係咪平到好恐怖呢！各位同學都覺得好滿意! 大理、麗江同香格里拉都係選擇古城附近嘅客棧，因為交通方便，原來客棧同民宿都大同小異，非常幸運客棧老闆都好好人! 遇到好人對第一次去嘅旅客真係好大好大好大幫助!!!重要嘅事要講三次!

大理住嘅客棧叫Ohh Country Yard，位於大理古城南門附近，但第一次去都係靠的士司機忙打電話請負責人出黎接我地先識得去! 因為都幾隱蔽下，又因為有啲小意外我地間房被Upgrade左，有個好大嘅廳，同兩張好大嘅雙人床，所以真係訓得非常非常非常好!