【聖誕去邊好】六大聖誕出遊之選

聖誕又就到了～ 你又預備好去邊度玩未呢～

有人中意睇雪景，有人中意過個熱辣辣聖誕，其實鹹魚白菜各有所好，不過講起聖誕出遊地方，又真係幾多好選擇！

看雪篇

日本

想睇雪又想睇燈飾嘅話，可以去東京過一個浪漫聖誕～

日本聖誕亮燈特別多，當中以六本木同表參道嘅最出名。

韓國

如果你想去旅行做做運動，可以去韓國滑雪場滑滑雪，韓國滑雪場有不同難易度之分，部分滑雪場係渡假村期下，一家大小當度個小假放放鬆都得。

鳳凰公園渡假村滑雪場 （圖片來源：韓國觀光公社）

大明維瓦爾第公園滑雪世界（圖片來源：韓國觀光公社）

韓國滑雪場主要集中在江原道及首爾近郊地區，預定時留意返，冬天旅遊旺季去到2月底，可能會較難預定住宿。

參考連結：韓國觀光公社

歐洲聖誕市集

聖誕市集，起源於中世紀嘅德國同奧地利，主要盛行於德語地區，近年都係法國、捷克等德國周邊國家出現。聖誕市集主要位於城鎮主要廣場和附近街道上，市集上會有露天小食攤，同唱民歌或者跳舞等餘興活動。

德國 紐倫堡

紐倫堡嘅聖誕市集係德國其中一個最大型同最古老嘅聖誕市集，市集由16世紀已經開始舉辦，係呢度可試到傳統南德美食，如德國腸、烤杏仁、薑餅等等。

法國 史特拉斯堡

史特拉斯堡距離巴黎2小時車程，呢度嘅聖誕市集兩次當選成為歐洲最佳聖誕市集，市集同市內木屋完美融合，身處其中仿如重回中世紀時嘅歐洲。克萊柏廣場上嘅聖誕樹高達30米，相當有聖誕氣氛，係遊客必到之地。

踏入12月，聖誕市集陸續開始開放，留意返市集通常開到聖誕節，少部分開到元旦，去之前記得做好功課，唔好摸門釘啊～

熱辣辣聖誕

泰國

泰國十二月至二月算係全年最涼快既月份，平均氣溫介乎二十度到三十度左右，絕對係遊覽泰國既最佳時機！最重要嘅係，泰國物價唔高，想平遊嘅話，泰國絕對係不二之選！！

澳洲

澳洲而家係夏天，當地人已經放緊暑假啦～ 係澳洲過聖誕最唔同嘅就係可以係火辣辣嘅沙灘上同比堅尼女郎度過，聖誕（眼睛）食冰淇淋，很想要吧！